નકલી PSI બાદ હવે નકલી IAS, 10 થી વધુ સેના ના જવાનોની સુરક્ષામાં કાશ્મીરમાં ફરતો વ્યક્તિ કોણ છે જે પોતાને PMOમાં IAS હોવાનો દાવો કરે છે?

નકલી PSI બાદ, નકલી IAS સોશિયલ મીડિયામાં હાલ ઘણી હેડલાઈન્સ મેળવી રહ્યો છે. આ છેતરપિંડી કરનારે પોતાને IAS ગણાવીને માત્ર જમ્મુ-કાશ્મીર પોલીસની સેવાઓ જ લીધી ન હતી, પરંતુ Z+ સુરક્ષા સાથે આખા શ્રીનગરમાં પણ ફર્યો હતો. આવો જાણીએ કોણ છે આ વ્યક્તિ?

પોતાને IAS ગણાવતા કિરણ પટેલ અને તેમનો પરિવાર ગુજરાતના અમદાવાદમાં રહે છે. કિરણ પટેલની પત્નીએ સીએનબીસી આવાઝને જણાવ્યું કે કિરણ ત્યાં વિકાસ માટે ગયો હતો, તેનો હેતુ કોઈને નુકસાન પહોંચાડવાનો નહોતો.

કિરણની પત્નીએ કહ્યું કે અમે એક વકીલને મોકલ્યો છે અને તે આખી મેટર સમજીને ત્યાં આવ્યો છે, અને આગળની કાર્યવાહી કરશે.

કિરણ પટેલ કોમ્પ્યુટર એન્જિનિયર છે. જમ્મુ અને કાશ્મીરની મુલાકાત દરમિયાન તેણે નકલી ઓળખ સાથે પોલીસને માત્ર ગેરમાર્ગે દોર્યા જ નહીં પરંતુ સુરક્ષા પણ મેળવી હતી.

કિરણે પોતાની ઓળખ પ્રધાન મંત્રી શ્રી નરેન્દ્ર મોદીજી ના કાર્યાલયમાં એડિશનલ ડિરેક્ટર તરીકે આપી હતી. હાલ જમ્મુ-કાશ્મીર પોલીસે શ્રીનગરમાં તેની ધરપકડ કરી છે.

પટેલ ટ્વિટર પર દાવો કરે છે કે તેઓ PHD (કોમનવેલ્થ યુનિ, વર્જિનિયા) MBA (IIM TRICHY), M. Tech (Computer Science), B. E. Computer (LD Engineering), થિંકર, સ્ટ્રેટેજિસ્ટ, એનાલિસ્ટ, કેમ્પેઈન મેનેજર છે.

જમ્મુ-કાશ્મીર પોલીસે કિરણ પટેલ વિરુદ્ધ આઈપીસીની કલમ 419, 420, 467, 468, 471 હેઠળ કેસ નોંધ્યો છે.

કિરણ પટેલે તેનું બનાવટી વિઝિટિંગ કાર્ડ પણ બનાવ્યું હતું. આ કાર્ડ પર તેણે પોતાને પીએમઓમાં એડિશનલ ડાયરેક્ટરના પદ પર હોવાનું દર્શાવ્યું છે.

અન્ય મહત્વપૂર્ણ લિંક્સ :

સરકારી ભરતીને લગત જાહેરાતો જોવા માટે	અહીં ક્લિક કરો
જાણવા જેવા અન્ય લેખ વાંચવા માટે	અહીં ક્લિક કરો